Prezident farmoni bilan mustaqillik bayrami arafasida 20 nafar namanganlik ham turli orden-medallarga loyiq ko‘rildi. Bu haqda “Daryo”ga viloyat hokimligi axborot xizmati xabar berdi.
Namangan shahar hokimligi majlislar zalida o‘tkazilgan tantanali tadbirda viloyat hokimi Xayrullo Bozorov tomonidan yuksak mukofotlar egalariga topshirildi.
Taqdirlanganlar orasida Namangan tumanining Mullakuding qishlog‘ida yashovchi 102 yoshli Ibrohimjon Xo‘jayev ham bor. U kishi mamlakatning eng yuksak mukofotlaridan biri — “Fidokorona xizmatlari uchun” ordeni bilan taqdirlandi.
Otaxon shu kunlarga yetkazganiga shukronalik bildirib, yurt rivojini tilab duo qildi.
Ma’lumot uchun, Ibrohimjon ota 2018-yili, bir asrni hatlab o‘tganlarida muborak Haj ziyoratiga ham borib kelgandi.
Izoh (0)