7 июль куни Жиззах вилояти Фориш туманидаги Тузонкўл кўли яқинидаги атом станцияси қуриш учун танланган ҳудудга медиа-тур уюштирилди, деб хабар берди «Дарё» мухбири Севара Нишонова.
Тадбирда Ўзбекистон Республикаси Олий Мажлиси Қонунчилик палатаси депутатлари, Ўзбекистон Экологик партияси депутатлари ва ҳаракат вакиллари, журналистлар, "Ўзатом" давлат акциядорлик компанияси мутахассислари, вилоят ҳокимиятининг масъул ходимлари ҳамда жамоатчилик вакиллари иштирок этди.
Жамоатчилик эшитувларида нутқ сўзлаган«Росатом» давлат корпорацияси вакили лойиҳанинг ўзига хос хусусиятлари ҳақида гапириб берди.
‘Росатом’ томонидан Ўзбекистонга таклиф қилинган VVER-1200 реактори ўрнатиш бўйича АЭС лойиҳаси нафақат Россия федерал нормалари, стандартлари ва атом энергиясидан фойдаланиш соҳасидаги талабларни ҳисобга олган ҳолда, балки МАГАТЕ тавсиялари, Европа фойдаланувчилар ташкилотларининг талаблари (EUR) ҳамда Ядро хавфсизлигини мувофиқлаштириш бўйича Ғарбий Европа уюшмаси (WЕNRA) талаблари инобатга олинган ҳолда ишлаб чиқилган. Россия лойиҳасининг АЭСдаги фаол ва пассив хавфсизлик тизимлари комбинацияси радиациявий материалларни ташқи муҳитга чиқариш эҳтимолини бутунлай бартараф этишга, объектнинг ҳар қандай фавқулодда ҳолатларда ҳам барқарорлигини таъминлашга имкон беради.
Бу дунёдаги энг мукаммал ва энг хавфсиз лойиҳадир. Булар Россияда, Нововоронежда муваффақиятли синовдан ўтган технологиялардир ва биз бу тажрибани ҳозирда Ўзбекистонга ишонч билан таклиф қила оламиз», - дея таъкидлади «ASЭ» АЖ (Госкорпорации «Росатом» давлат корпорацияси инжиниринг дивизиони) техник масалалар бўйича бирлашган лойиҳа институти вице-президенти, директорнинг биринчи ўринбосари Андрей Кучумов.
Изоҳ (0)