9-iyulning e’tiborga molik yangiliklari — “Daryo” dayjestida.
“Daryo” internetda shov-shuv bo‘lgan Dehqonoboddagi jin ko‘priklar bo‘yicha fotoreportaj tayyorladi.
“Daryo” internet-nashrida joriy yilning fevral oyida Qashqadaryo viloyatining Dehqonobod tumanidagi jin ko‘prik xususida so‘z yuritilgandi. Maqolada tumanning Choshtepa qishlog‘idagi 2 ta jin ko‘prik tilga olinadi. “Daryo” muxbiri yana bir bor Dehqonobodda bo‘lib, o‘zgarishlar xususida ma’lumot oldi.
***
O‘zbekistonda go‘sht nega qimmatlashmoqda?
Go‘sht narxining uzluksiz yuqorilab borayotganini mutaxassislar bir qancha omillar bilan izohlamoqda. Ozuqa-yem mahsulotlari tannarxining yuqoriligi, realizatsiya qilishda vositachilarning ko‘pligi, ozuqa-yem yetishtirish uchun yer maydonlarining yetishmasligi, joylarda chorvachilik mahsulotlari yetishtirish va qayta ishlash komplekslarining yetarlicha rivojlanmagani shular sirasidandir.
***
Nukusda tug‘ilgan uch egizaklarga Habibulla, Hamidulla va Halilulla deb ism qo‘yildi.
Nukusda uch egizak dunyoga kelgan. Ularga Habibulla, Hamidulla va Halilulla deb ism qo‘yilgani aytilmoqda.
***
Namanganda 26 yashar yigit homilador kelinoyisiga 15 marta pichoq urdi. U ruhiy xasta deb topildi.
Qo‘rqib ketgan ayol tipirchilab qaynisining qo‘lidan chiqishga urinar, yalinib-yolvorardi. Ammo Ne’mat ojizligi, homiladorligini bila turib uning qorin sohasiga pichoqni sanchib olaveradi. Yordam chaqirishga uringan kelinoyisining og‘zini berkitib, shafqatsizlarcha bosib olib, ko‘krak, bo‘yin, hayoti uchun muhim sanalgan badanining boshqa joylariga o‘n besh marotaba pichoq urib, o‘ta og‘ir holatda jarohat yetkazib, uydan chiqib ketadi.
***
Surxondaryoda yangi tug‘ilgan chaqalog‘ini hojatxonaga tashlab ketgan ayol qilmishiga izoh berdi.
“Kindigini uzdim, ovozi chiqmadi. O‘lgan deb o‘yladim. Yuziga qaraganim yo‘q, lekin qiz bolaligini bilaman. Bolani otasi bilmaydi, u Rossiyaga ketib qolgan”, — deydi ayol.
Izoh (0)