9 июлнинг эътиборга молик янгиликлари — «Дарё» дайжестида.
«Дарё» интернетда шов-шув бўлган Деҳқонободдаги жин кўприклар бўйича фоторепортаж тайёрлади.
«Дарё» интернет-нашрида жорий йилнинг февраль ойида Қашқадарё вилоятининг Деҳқонобод туманидаги жин кўприк хусусида сўз юритилганди. Мақолада туманнинг Чоштепа қишлоғидаги 2 та жин кўприк тилга олинади. «Дарё» мухбири яна бир бор Деҳқонободда бўлиб, ўзгаришлар хусусида маълумот олди.
***
Ўзбекистонда гўшт нега қимматлашмоқда?
Гўшт нархининг узлуксиз юқорилаб бораётганини мутахассислар бир қанча омиллар билан изоҳламоқда. Озуқа-ем маҳсулотлари таннархининг юқорилиги, реализация қилишда воситачиларнинг кўплиги, озуқа-ем етиштириш учун ер майдонларининг етишмаслиги, жойларда чорвачилик маҳсулотлари етиштириш ва қайта ишлаш комплексларининг етарлича ривожланмагани шулар сирасидандир.
***
Нукусда туғилган уч эгизакларга Ҳабибулла, Ҳамидулла ва Ҳалилулла деб исм қўйилди.
Нукусда уч эгизак дунёга келган. Уларга Ҳабибулла, Ҳамидулла ва Ҳалилулла деб исм қўйилгани айтилмоқда.
***
Наманганда 26 яшар йигит ҳомиладор келинойисига 15 марта пичоқ урди. У руҳий хаста деб топилди.
Қўрқиб кетган аёл типирчилаб қайнисининг қўлидан чиқишга уринар, ялиниб-ёлворарди. Аммо Неъмат ожизлиги, ҳомиладорлигини била туриб унинг қорин соҳасига пичоқни санчиб олаверади. Ёрдам чақиришга уринган келинойисининг оғзини беркитиб, шафқатсизларча босиб олиб, кўкрак, бўйин, ҳаёти учун муҳим саналган баданининг бошқа жойларига ўн беш маротаба пичоқ уриб, ўта оғир ҳолатда жароҳат етказиб, уйдан чиқиб кетади.
***
Сурхондарёда янги туғилган чақалоғини ҳожатхонага ташлаб кетган аёл қилмишига изоҳ берди.
«Киндигини уздим, овози чиқмади. Ўлган деб ўйладим. Юзига қараганим йўқ, лекин қиз болалигини биламан. Болани отаси билмайди, у Россияга кетиб қолган», — дейди аёл.
Изоҳ (0)