Novosibirskdagi Tolmachyovo aeroportida odam savdosi jinoyati uchun xalqaro qidiruvda bo‘lgan O‘zbekiston fuqarosi hibsga olingani haqidagi xabarlar tarqalgan edi. O‘zbekistonning Novosibirskdagi Bosh konsulligi bu xabarlarga izoh berdi.
“Novosti Uzbekistana”ning yozishicha, Konsullik xodimlari Rossiya Transportdagi IIVning Sibir federal okrugi bo‘yicha boshqarmasi bilan bog‘lanib, hibsga olingan shaxs O‘zbekiston fuqarosi emas, Markaziy Osiyoning boshqa davlati fuqarosi ekanini aniqlagan.
Hisbsga olingan shaxs aynan qaysi davlat fuqarosi ekanligiga aniqlik kiritilmagan.
Eslatib o‘tamiz, gumonlanuvchi 32 yoshli shaxs Yoqutistonga reys ro‘yxatga olinayotgan vaqtda ushlangan. Unga nisbatan qamoqqa olish ehtiyot chorasi qo‘llanilgan. Hozirda uni vataniga ekstraditsiya qilish uchun hujjatlar tayyorlanmoqda.
Izoh (0)