Исроил расмийлари янги шаҳарни Дональд Трамп шарафига номлашга қарор қилди. «Лига Новости»нинг ёзишича, бу ҳақда мамлакат бош вазири Биньямин Нетаньяху маълум қилган ва шу билан АҚШ президентига «ўз миннатдорчилигини билдирмоқчилигини» айтган.
Шаҳар Trump Heights (Трамп тепалиги) деб номланиб, Голан тепалигида жойлашади. Дональд Трамп ўзининг Twitter’ида бундай «катта шараф» учун Исроил ва Нетаньяхуга миннатдорчилик билдирган.
Трамп 25 мартда АҚШ Исроилнинг Голан тепалигини Исроил ҳудуди деб тан олгани айтилган фармон имзолаган. Бир қатор мамлакатлар бу қарорни тан олмаслигини маълум қилган. Хусусан, Европа Иттифоқи «Евроиттифоқнинг нуқтаи назари ўзгармади. Евроиттифоқ Исроилнинг 1967 йилда босиб олган ҳудудлар, жумладан, Голан тепалиги устидан суверенитетини тан олмайди ва уни Исроилнинг бир қисми сифатида кўрмайди», деган. Саудия Арабистони ва Канада ҳам Голан тепалиги устидан Исроил назоратини тан олмаган.
Изоҳ (0)