Fransiyaning Le-Burje shahrida dunyodagi eng yirik aviasalonning ochilishi bo‘lib o‘tmoqda, deb xabar beradi “Exo.Moskvi”.
Aviasalonda asosiy e’tibor aviatsiya gigantlaridan biri hisoblanuvchi Boeing korporatsiyasiga qaratiladi. Ikki yil oldin korporatsiya o‘zining fransiyalik raqibi — Airbus’ga qaraganda havo kemalarini yetkazib berishda imzolangan shartnomalar soni bo‘yicha bir yarim marotaba ortda qoldirgan edi.
Bundan tashqari mazkur aviasalon Indoneziya va Efiopiyada halokatga uchragan ikkita Boeing 747 MAX laynerlaridan keyingi eng yirik aviasalon hisoblanadi. Kompaniya to‘qqizta uchish apparatlarini taqdim etadi, ulardan ikkitasi tijoriy maqsadlarga mo‘ljallangan.
Ekspertlarning taxminicha, Boeing yangi avialaynerlar oilasi haqida batafsil ma’lumot berishi mumkin.
O‘z navbatida Airbus Le-Burjega yigirmaga yaqin uchish apparatlarini, xususan, yangi A321LR samolyotini olib keladi.
Le-Burjedagi aviasalon 23-iyunga qadar davom etadi.
Izoh (0)