Toshkent shahrining Bektemir tumani TXAY ko‘chasida joylashgan “Davru-Davron avto” MChJga qarashli avtoturargoh hududida 16-iyun kuni yong‘in yuz berdi.
IIV Jamoatchilik va OAV bilan aloqalar boshqarmasi xabariga ko‘ra, oqibatda 70 kvadrat metr maydonda avtoturargohda turgan vagonchaning ichki qismi va jihozlari, yonib zarar ko‘rgan. Yong‘in o‘chirish vaqtida avtoturargoh yollanma ishchilari 58 yoshli B.A. va rafiqasi 55 yoshli S.R. hamda 24 yoshli o‘g‘li O.Yu. kuyish jarohatlari olgan. Fuqaro S.R. kasalxonaga yotqizilgan, B.A. va O.Yu.ga tibbiy yordam ko‘rsatilgan.
Ko‘rilgan choralar natijasida yong‘in o‘chirilgan.
Yong‘in kelib chiqish sababi va keltirilgan moddiy zarar miqdori aniqlanmoqda.
Izoh (0)