Тошкент шаҳрининг Бектемир тумани ТХАЙ кўчасида жойлашган «Давру-Даврон авто» МЧЖга қарашли автотураргоҳ ҳудудида 16 июнь куни ёнғин юз берди.
ИИВ Жамоатчилик ва ОАВ билан алоқалар бошқармаси хабарига кўра, оқибатда 70 квадрат метр майдонда автотураргоҳда турган вагончанинг ички қисми ва жиҳозлари, ёниб зарар кўрган. Ёнғин ўчириш вақтида автотураргоҳ ёлланма ишчилари 58 ёшли Б.А. ва рафиқаси 55 ёшли С.Р. ҳамда 24 ёшли ўғли О.Ю. куйиш жароҳатлари олган. Фуқаро С.Р. касалхонага ётқизилган, Б.А. ва О.Ю.га тиббий ёрдам кўрсатилган.
Кўрилган чоралар натижасида ёнғин ўчирилган.
Ёнғин келиб чиқиш сабаби ва келтирилган моддий зарар миқдори аниқланмоқда.
Изоҳ (0)