Qamchiq dovonidan o‘tuvchi “Farg‘ona halqa yo‘li” avtomobil yo‘lida ikki joyda haydovchilar uchun kichik qahvaxonalar tashkil etildi. Bu haqda “Daryo”ga Namangan viloyat IIB YHXB matbuot guruhi ma’lum qildi.
— Maqsad uzoq masofadan, ayniqsa tungi vaqtda kelayotgan haydovchilar hushyorligini oshirish, charchoq alomati sezilganda tetiklashtirishdan iborat. Ularga ushbu qahvaxonalarda bepul ravishda qaynoq qahva va choy taklif etilmoqda, — deydi guruh katta inspektori Shokirjon Hoshimov.
Birinchisi Toshkent — O‘sh yo‘lining 221-kilometridagi nazorat maskanida, ikkinchisi Namangan muntazam yo‘l-patrul xizmati maskanida tashkil etilgan qahvaxonalarda yo‘l-transport hodisalari oqibatlari aks etgan videolavhalar namoyishi ham yo‘lga qo‘yildi.
Eslatib o‘tamiz, oldinroq viloyatning To‘raqo‘rg‘on tumanida “Navbahor” muxlislari bo‘lgan mashina ishtirokidagi avtoavariyada 4 kishi, Pop tumanidagi YTHda esa 5 kishi (ulardan 4 nafari bir oila a’zolari) halok bo‘lgani bildirilgandi.
Izoh (0)