Buxoro viloyat hokimi matbuot xizmatining ma’lum qilishicha, Buxoroda uchta tuman hokimi o‘zgardi.
Bugun, 31-mart kuni xalq deputatlari Vobkent, Romitan va Buxoro tumanlari kengashlarining navbatdan tashqari sessiyasi o‘tkazilib, tashkiliy masalalar ko‘rilgan.
Ularda viloyat hokimi O‘ktam Barnoyev ham ishtirok etgan.
2009-yildan beri Vobkent tumani hokimi lavozimida faoliyat yuritayotgan Javodov Askar Nazarovich lavozimidan olinib, o‘rniga Peshko‘ tumani hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari Bafoyev Bahodur Sanoyevich vaqtinchalik Vobkent tumani hokimi vazifasini bajaruvchi etib tayinlandi.
Vaqtinchalik Romitan hokimi vazifasini bajarib kelayotgan Halimov Baxriddin Shamsiyevich o‘rniga Romitan hokimining iqtisodiyot va tadbirkorlik masalalari bo‘yicha birinchi o‘rinbosari Tohirov Xurshid Yahyoyevich yangi hokim bo‘ldi.
Avvalroq, Buxoro tuman hokimi Esanov Muhiddin Turdiyevich boshqa lavozimga o‘tgani sababli lavozimidan ozod qilinib, o‘rniga Do‘stov Kaxramon Bozorovich Buxoro tumani hokimi etib tayinlandi.
Izoh (0)