BAAning Fujayra shahrida yashovchi 50 yoshli baliqchi yirik kulrang akulani tutgani uchun hibsga olindi. Bu haqda UAE Inside xabar qiladi.
Amirliklarning hududida ushbu dengiz yirtqichlarini ovlash taqiqlanadi.
Fujayra rasmiylari va Birlashgan Arab Amirliklari atrof-muhit va iqlim o‘zgarishi vazirligi hodisa bo‘yicha tergov o‘tkazdi. Kulrang akula yo‘qolib ketish xavf ostida bo‘lgan tur hisoblanib, Qizil kitobga kiritilgan.
Baliqchi Id Sulaymonning taqiq to‘g‘risidagi qonun o‘zgartirishlaridan xabari yo‘qligini hisobga olib, hokimiyat organlari unga nisbatan jazo qo‘llash o‘rniga, qattiq ogohlantirish bilan cheklandi.
Izoh (0)