Filippinning Kompostela vodiysi provinsiyasi qirg‘og‘ida kitning jasadi topildi. D’ Bone Collector Museum muzeyining Facebook’dagi rasmiy sahifasida muzey vakillari bergan ma’lumotga ko‘ra, kitning oshqozonida g‘ayritabiiy miqdorda plastik topilgan.
Kit 16-mart kuni Sitio Asinan qirg‘og‘idan topilgan. Muzey xodimlari uni Davao shahrining ilmiy markaziga olib ketgan. Kit oshqozonidan 40 kilogramm plastik, shu jumladan, 16 dona guruch qopi, to‘rtta banan qopi va ko‘plab oziq-ovqat mahsulotlari paketlari chiqarildi.
https://www.facebook.com/permalink.php?story_fbid=2687931647900073&id=216407245052538
Ehtimol, dengiz jonivorining o‘limi, plastik axlatdan zaharlanish natijasida yuzaga kelgan. “Biz kitning oshqozonida bunchalik ko‘p plastik ko‘rmaganmiz, hukumat suv havzalarini ifloslashni davom ettirayotganlarga qarshi qattiq choralar ko‘rishi kerak,” — deydi muzey xodimi.
https://www.facebook.com/permalink.php?story_fbid=2689346287758609&id=216407245052538
Izoh (0)