16-mart kuni Bolgariyaning Sofiya shahrida hozirgi hukumatga qarshi norozilik namoyishi bo‘lib o‘tdi. NOVA mahalliy kanaliga ko‘ra, Bolgariya Xalq yig‘ini binosi yonida bayroqlar, plakatlar bilan o‘n mingdan ortiq odam mavjud siyosiy tizimni o‘zgartirish talablari bilan yig‘ildi. Bu haqda TJournal xabar bermoqda.
Namoyishchilar avval ko‘chalarni to‘sib qo‘ygan va keyin hukumat binosiga kirishga harakat qilgan. Xalq yig‘ini binosini qo‘riqlagan politsiyachilar qalampir spreyi gazi ishlatgan. Biroq, buyruq bergan ofitser kuchli shamolni inobatga olmadi — buning oqibatida gazning asosiy qismi politsiyachilarning yuzlariga sepildi.
Bu voqea Bolgariya telekanallaridan birida efirga uzatildi. Mahalliy aholidan bo‘lgan Yaasper Neve esa bu video aks etgan lavhani ijtimoiy tarmoqlarga joyladi.
Keyinroq Neve: “Bolgariya tinch mamlakat, noroziliklar kamdan-kam hollarda to‘qnashuvlarga aylanadi. Bu gazni ishlatishda politsiyaning tajribasizligi ham shundan dalolat”, — deb qo‘shib qo‘ydi.
Bulgarian police used pepper spray against protesters in front of parliament, but didn't take the wind direction into account pic.twitter.com/B8b7uQyIEG
— Gimble (@JasperNeve) March 17, 2019
Izoh (0)