Филиппиннинг Компостела водийси провинцияси қирғоғида китнинг жасади топилди. D’ Bone Collector Museum музейининг Facebook’даги расмий саҳифасида музей вакиллари берган маълумотга кўра, китнинг ошқозонида ғайритабиий миқдорда пластик топилган.
Кит 16 март куни Ситио Асинан қирғоғидан топилган. Музей ходимлари уни Давао шаҳрининг илмий марказига олиб кетган. Кит ошқозонидан 40 килограмм пластик, шу жумладан, 16 дона гуруч қопи, тўртта банан қопи ва кўплаб озиқ-овқат маҳсулотлари пакетлари чиқарилди.
Эҳтимол, денгиз жониворининг ўлими, пластик ахлатдан заҳарланиш натижасида юзага келган. “Биз китнинг ошқозонида бунчалик кўп пластик кўрмаганмиз, ҳукумат сув ҳавзаларини ифлослашни давом эттираётганларга қарши қаттиқ чоралар кўриши керак,” — дейди музей ходими.
Изоҳ (0)