Venesuela AQSh sanksiyalari tufayli Osiyo mamlakatlariga neft yetkazib berishni ko‘paytiradi

Karakas AQSh sanksiyalari fonida Osiyo mamlakatlariga neft yetkazib berish hajmini oshirish niyatida, deya xabar beradi “TASS”.

Mamlakat prezidenti Nikolas Maduroning qayd etishicha, Venesuela asosan hind bozoridan manfaatdor. “Biz ko‘p yillar davomida Osiyoga yo‘l ochdik. Bu muvaffaqiyatli yo‘l, ular har yili ko‘p hajmda neft oladi”, — deya qo‘shimcha qilgan u.

Shuningdek, Venesuela prezidenti Karakasning Rossiya va Xitoy tomonidan qo‘llab-quvvatlanishini ta’kidlagan. Maduro o‘z mamlakati bilan Rossiya o‘rtasidagi aloqalar mavjudligi tufayli Venesueladagi hozirgi inqiroz Vashington va Moskva o‘rtasidagi geosiyosiy sohada qarama-qarshiliklarga aylanishi mumkinligiga ishonch bildirgan.

Maduro mamlakat hokimiyatini bo‘shatish niyati yo‘qligini aytgan.

“Men qo‘rqmayman. Men o‘z vatanim va xalqim, bolalarimiz va qizlarimiz taqdiridan tashvishlanyapman, bu esa menga kuch beradi”, — deydi prezident.