Malayziyada daryo bo‘yida krablar to‘playotgan kishi o‘z jiyanining ko‘z o‘ngida timsohga yem bo‘ldi, deb yozadi Daily Mail.
Voqea 12-fevral kuni sodir bo‘lgan. Indoneziyalik Muh Tahir Majid Syam (Muh Tahir Majid Syam) Malayziyaning Saravak shtatidagi daryo bo‘yida sayohat qilayotganda yo‘qolib qolgan.
Uning 24-yoshli jiyani uni qidirishga tushadi.
Daryo atrofini kuzatayotgan yigit uning sathida 40 yoshli tog‘asining boshi chiqib shu zahotiyoq yana suv tubiga tushib ketganini ko‘rib qoladi.
Halok bo‘lgan kishi 13-fevral kuni topiladi. Uning tanasi bir necha tishlangan izlardan, dengiz timsohi tomonidan g‘ajib tashgangan degan xulosaga kelingan.
Qayd etilishicha, indoneziyalik kishi Malayziyaga palma plantatsiyalarida ishlash maqsadida kelgan.
Dengiz timsohlari ko‘pincha Borneo, Sabax va Saravak shtatlaridagi daryo bo‘yi va plyajlarda uchraydi.
Uzunligi yetti metrgacha keladigan timsohlar ko‘pincha dam olishga kelgan odamlarga tashlanadi.
2017-yildan boshlab Saravaka rasmiylari bunday holatni kamaytirish maqsadida timsohlarni ovlab kelmoqda.
Izoh (0)