Каракас АҚШ санкциялари фонида Осиё мамлакатларига нефть етказиб бериш ҳажмини ошириш ниятида, дея хабар беради «ТАСС».
Мамлакат президенти Николас Мадуронинг қайд этишича, Венесуэла асосан ҳинд бозоридан манфаатдор. «Биз кўп йиллар давомида Осиёга йўл очдик. Бу муваффақиятли йўл, улар ҳар йили кўп ҳажмда нефть олади», — дея қўшимча қилган у.
Шунингдек, Венесуэла президенти Каракаснинг Россия ва Хитой томонидан қўллаб-қувватланишини таъкидлаган. Мадуро ўз мамлакати билан Россия ўртасидаги алоқалар мавжудлиги туфайли Венесуэладаги ҳозирги инқироз Вашингтон ва Москва ўртасидаги геосиёсий соҳада қарама-қаршиликларга айланиши мумкинлигига ишонч билдирган.
Мадуро мамлакат ҳокимиятини бўшатиш нияти йўқлигини айтган.
«Мен қўрқмайман. Мен ўз ватаним ва халқим, болаларимиз ва қизларимиз тақдиридан ташвишланяпман, бу эса менга куч беради», — дейди президент.
Изоҳ (0)