Tojikiston Ichki ishlar vaziri Ramazon Rahimzoda 14-fevral kuni bo‘lib o‘tgan matbuot anjumanida terrorizm va ekstremizmga aloqadorlikda ayblangan isyonchi mahbuslar yetti nafar koloniya xodimini garovga olgan, deya xabar beradi “ASIA-Plus”.
Uning so‘zlariga ko‘ra, ular garovga olinganlar ortiga yashirinib, hukumatga turli xil shartlar qo‘ya boshlagan. Vazir isyonchilar tomonidan qanday talablar qo‘yilganini aytmadi.
“Xalqni ozod qilish uchun maxsus kuchlar jalb qilingan, afsuski, ikki kishini qutqarishning imkoni bo‘lmagan, besh nafar garovdagilar qutqarilgan”, — deydi vazir.
Avvalroq matbuot anjumanida Tojikiston korrupsiyaga qarshi kurash bo‘yicha Bosh boshqarmasi boshlig‘i Muhammadsaid Fayzulozod, o‘tgan yilning 8-noyabr kuni kechqurun tartibsizlik sodir bo‘lgan 3/3-sonli Xo‘jand koloniyasining ba’zi xodimlari sudlanuvchilarga nisbatan korrupsion jinoyatlarni sodir etganliklarini xabar qildi.
Xodimlar va mahkumlar o‘rtasida qanday korrupsiya holatlari sodir bo‘lganligi aytilmagan.
Rasmiy ma’lumotlarga ko‘ra, Xo‘jand koloniyasidagi qo‘zg‘olonda 21 nafar mahbus halok bo‘lgan: ular asosan terrorizm uchun sudlangan.
Xo‘jand koloniyasida qo‘zg‘olonni tekshirishni Tojikiston Bosh prokuraturasining maxsus guruhi amalga oshiradi.
Izoh (0)