Moody’s xalqaro reyting agentligi 13-fevral kuni ilk bor O‘zbekistonga uzoq muddatli barqaror prognozli “B1” darajasidagi suveren reytingini berdi, bu haqda “Spot” xabar berdi.
“B1” bu avval O‘zbekistonga Fitc va S&P bergan reytingidan pastroq — ular tomonidan “BB-” reytingi taqdim etilgandi, bu esa Moody’s o‘lchami bo‘yicha “Ba3” darajasiga teng.
“B1” bu mamlakat nisbatan ojiz, ammo oldiga qo‘ygan barcha majburiyatlarni bajara olish qobiliyatiga egaligini anglatadi. Armaniston, Albaniya, Iordaniya, Kosta-Rika va Chernogoriyada ham reyting huddi shunday.Moody’s mamlakatning suveren reytingini to‘rt asosiy omil asosida baholaydi — iqtisodiy qudrat, institutsional kuch, davlatning moliyaviy qudrati hamda hodisalar xavfiga moyilligi, shuningdek ular o‘rtasidagi munosabatlarga bog‘liq.
Agar O‘zbekistonda islohotlarida yuqori ishlab chiqarish suratlari va raqobatbardoshlik ta’minlansa, davlat boshqaruvi va siyosatning samaradorligi oshirilsa agentlik O‘zbekistonning reytingini oshirishi mumkin.
Bunday islohotlar davlat korxonalarining hosildorligini va moliyaviy ahvolini oshirishga imkon beradigan chora-tadbirlarni o‘z ichiga oladi, ayni paytda xususiy kompaniyalarning rivojlanishiga hamda moliyaviy va makroiqtisodiy barqarorligini taminlashga xizmat qiladi.
Biroq qabul qilingan siyosiy tadbirlar moliyaviy va makroiqtisodiy barqarorlik uchun xatar tug‘dirsa, agentlik O‘zbekistonning reytingini pasaytirishi mumkin.
Izoh (0)