Moody’s халқаро рейтинг агентлиги 13 февраль куни илк бор Ўзбекистонга узоқ муддатли барқарор прогнозли «B1» даражасидаги суверен рейтингини берди, бу ҳақда «Spot» хабар берди.
«B1» бу аввал Ўзбекистонга Fitc вa S&P берган рейтингидан пастроқ — улар томонидан «BB-» рейтинги тақдим этилганди, бу эса Moody’s ўлчами бўйича «Ba3» даражасига тенг.
«B1» бу мамлакат нисбатан ожиз, аммо олдига қўйган барча мажбуриятларни бажара олиш қобилиятига эгалигини англатади. Арманистон, Албания, Иордания, Коста-Рика ва Черногорияда ҳам рейтинг ҳудди шундай.Moody’s мамлакатнинг суверен рейтингини тўрт асосий омил асосида баҳолайди — иқтисодий қудрат, институционал куч, давлатнинг молиявий қудрати ҳамда ҳодисалар хавфига мойиллиги, шунингдек улар ўртасидаги муносабатларга боғлиқ.
Агар Ўзбекистонда ислоҳотларида юқори ишлаб чиқариш суратлари ва рақобатбардошлик таъминланса, давлат бошқаруви ва сиёсатнинг самарадорлиги оширилса агентлик Ўзбекистоннинг рейтингини ошириши мумкин.
Бундай ислоҳотлар давлат корхоналарининг ҳосилдорлигини ва молиявий аҳволини оширишга имкон берадиган чора-тадбирларни ўз ичига олади, айни пайтда хусусий компанияларнинг ривожланишига ҳамда молиявий ва макроиқтисодий барқарорлигини таминлашга хизмат қилади.
Бироқ қабул қилинган сиёсий тадбирлар молиявий ва макроиқтисодий барқарорлик учун хатар туғдирса, агентлик Ўзбекистоннинг рейтингини пасайтириши мумкин.
Изоҳ (0)