Eronning janubi-sharqida portlash sodir etilgani oqibatida Islomiy inqilob qo‘riqchi korpusining yigirmadan ortiq harbiylari halok bo‘ldi. Bu haqda “RIA Novosti” xabar berdi.
Yana yigirma kishi jarohatlangan. Xabarda aytilishicha, korpusning avtobusiga terrorchilar hujum qilgan.
Voqeadan biroz vaqt o‘tib, “Jaysh al-Adl” sunniy ekstremist guruhi portlashda qo‘li borligini tan olgan.
Jaysh al-Adl guruhi 2012-yilda Eron va qo‘shni Pokistondagi Balujistonda faoliyat yuritadigan sunniylarning (aksariyati Eron shialari) isyonchilar tashkiloti “Jundulloh”ning sobiq a’zolari tomonidan tashkil etilgan.
Eron xavfsizlik xizmati aslida 2010-yilda Jaysh al-Adl boshchisi Abdulmalik Rigani qo‘lga tushirganidan keyin bu tashkilotni tugatgan.
Eron rasmiylari “Jundulloh”ni ommaviy qotillik, qurolli talon-taroj, odam o‘g‘irlash, portlatish va qo‘poruvchilikda ayblamoqda. Tehron bergan ma’lumotlarga ko‘ra, “Jundulloh” guruhining AQSh va Buyuk Britaniya maxsus xizmatlari bilan aloqasi bor.
Izoh (0)