Эроннинг жануби-шарқида портлаш содир этилгани оқибатида Исломий инқилоб қўриқчи корпусининг йигирмадан ортиқ ҳарбийлари ҳалок бўлди. Бу ҳақда «РИА Новости» хабар берди.
Яна йигирма киши жароҳатланган. Хабарда айтилишича, корпуснинг автобусига террорчилар ҳужум қилган.
Воқеадан бироз вақт ўтиб, «Жайш ал-Адл» сунний экстремист гуруҳи портлашда қўли борлигини тан олган.
Жайш ал-Адл гуруҳи 2012 йилда Эрон ва қўшни Покистондаги Балужистонда фаолият юритадиган суннийларнинг (аксарияти Эрон шиалари) исёнчилар ташкилоти «Жундуллоҳ»нинг собиқ аъзолари томонидан ташкил этилган.
Эрон хавфсизлик хизмати аслида 2010 йилда Жайш ал-Адл бошчиси Абдулмалик Ригани қўлга туширганидан кейин бу ташкилотни тугатган.
Эрон расмийлари «Жундуллоҳ»ни оммавий қотиллик, қуролли талон-тарож, одам ўғирлаш, портлатиш ва қўпорувчиликда айбламоқда. Теҳрон берган маълумотларга кўра, «Жундуллоҳ» гуруҳининг АҚШ ва Буюк Британия махсус хизматлари билан алоқаси бор.
Изоҳ (0)