Prezident qaroriga muvofiq, Energetika vazirligi markaziy apparatining boshqaruv xodimlari umumiy cheklangan soni 80 birlikdan iborat bo‘ladi. Ular asosan “O‘zneftgazinspeksiya”, “O‘zenergoinspeksiya” va davlat sanitariya-epidemiologiya nazorati markazlarining shtatlar sonini qisqartirish hisobidan ta’minlanadi.
2019-yil 1-martga qadar Jahon bankining texnik ko‘magida elektr energetika tarmog‘ini isloh qilish (restrukturizatsiya) modellarini ishlab chiqsin va taklif etilayotgan islohotlarni amalga oshirish bo‘yicha batafsil “yo‘l xaritasi”ni tayyorlasin;
Energetika vazirligiga:
2019-yil 15-martga qadar elektr energiyasini ishlab chiqarish, uzatish, taqsimlash va sotishni tashkil qilishning zamonaviy sxemasiga muvofiq Prezidentning “O‘zbekenergo” AJni restrukturizatsiya qilish to‘g‘risidagi qarori loyihasi;
2019-yil 1-aprelga qadar Prezidentining “O‘zbekneftgaz” AJni restrukturizatsiya qilish to‘g‘risidagi qarori loyihasi;
2019-yil 1-mayga qadar O‘zbekistonda qayta tiklanuvchi energiya manbalarini rivojlantirishning 2019—2023-yillarga mo‘ljallangan konsepsiyasini kiritish topshirildi.
“O‘zbekenergo” AJ ma’muriy binosi joylashgan yer uchastkasida “O‘zbekenergo” xorijiy investorlarni jalb qilgan holda zamonaviy mehmonxona kompleksi quriladi. Davlat aktivlarini boshqarish agentligiga Toshkent shahar hokimligi va “O‘zbekenergo” AJ bilan birgalikda bir oy muddatda Energetika vazirligi va “O‘zbekenergo” AJni joylashtirish bo‘yicha taklif kiritish topshirildi.
Izoh (0)