Президент қарорига мувофиқ, Энергетика вазирлиги марказий аппаратининг бошқарув ходимлари умумий чекланган сони 80 бирликдан иборат бўлади. Улар асосан «Ўзнефтгазинспекция», «Ўзенергоинспекция» ва давлат санитария-эпидемиология назорати марказларининг штатлар сонини қисқартириш ҳисобидан таъминланади.
2019 йил 1 мартга қадар Жаҳон банкининг техник кўмагида электр энергетика тармоғини ислоҳ қилиш (реструктуризация) моделларини ишлаб чиқсин ва таклиф этилаётган ислоҳотларни амалга ошириш бўйича батафсил «йўл харитаси»ни тайёрласин;
Энергетика вазирлигига:
2019 йил 15 мартга қадар электр энергиясини ишлаб чиқариш, узатиш, тақсимлаш ва сотишни ташкил қилишнинг замонавий схемасига мувофиқ Президентнинг «Ўзбекэнерго» АЖни реструктуризация қилиш тўғрисидаги қарори лойиҳаси;
2019 йил 1 апрелга қадар Президентининг «Ўзбекнефтгаз» АЖни реструктуризация қилиш тўғрисидаги қарори лойиҳаси;
2019 йил 1 майга қадар Ўзбекистонда қайта тикланувчи энергия манбаларини ривожлантиришнинг 2019—2023 йилларга мўлжалланган концепциясини киритиш топширилди.
«Ўзбекэнерго» АЖ маъмурий биноси жойлашган ер участкасида «Ўзбекэнерго» хорижий инвесторларни жалб қилган ҳолда замонавий меҳмонхона комплекси қурилади. Давлат активларини бошқариш агентлигига Тошкент шаҳар ҳокимлиги ва «Ўзбекэнерго» АЖ билан биргаликда бир ой муддатда Энергетика вазирлиги ва «Ўзбекэнерго» АЖни жойлаштириш бўйича таклиф киритиш топширилди.
Изоҳ (0)