O‘zbekistonda uy-joy jamg‘armasi va kommunal infratuzilmani tubdan yangilash amalga oshirilmoqda. Qurilganiga yarim asrdan ziyod bo‘lgan ba’zi eski binolar o‘rnida yangi zamonaviy, har jihatdan qulay uylar qad rostlamoqda. Bu haqda O‘zA xabarida aytiladi.
Yangi ko‘p qavatli uy-joy binolarini loyihalashtirishda so‘nggi telekommunikatsiya standartlari qo‘llanilmoqda va natijada aholi eng zamonaviy AKT xizmatlaridan foydalanish imkoniga ega bo‘lmoqda.
Yangi qurilayotgan uylar sohiblarining telekommunikatsiya tarmoqlariga ulanishini yengillashtirish va jadallashtirish uchun “O‘zbektelekom” AK tomonidan har hafta ko‘chma tadbirlar o‘tkazilmoqda. Bu aksiyalar bayram tadbirlari ko‘rinishida o‘tmoqda. Bunda yangi massiv hovlilari to‘g‘risida ko‘chma sotuv ofislari tashkil etilmoqda. Telekommunikatsiya xizmatlaridan foydalanishga shartnoma tuzish uchun xonadon egalarining hovliga chiqishi kifoya.
Kompaniyaning yangi aksiyasiga muvofiq, internetga ulanish xizmatlarini ko‘rsatishga shartnoma tuzishda abonentlar zarur jihozlarni 95 foizgacha chegirma bilan xarid qilishi mumkin.
Barcha ko‘chma tadbirlar yangi qurilgan uylar egalari ko‘chib o‘tgan ilk kundan boshlab ishonchli, zamonaviy aloqa xizmatlari bilan ta’minlanishi uchun o‘tkazilmoqda.
Izoh (0)