Majbury ijro byuroning Toshkent shahar boshqarmasi va Toshkent shahar IIBB YHXB bilan hamkorlikda MIB ish yurituvidagi ijro hujjatlari qarzdorliklari undiruvi bo‘yicha qo‘shma reyd-tadbir o‘tkazdi. Bu haqda “Daryo”ga shahar boshqarmasi MIB axborot xizmati xabar berdi.
Poytaxtning 20 ta markaziy ko‘chalarida YHXBning patrul xizmat avtomobillarida o‘rnatilgan avtomatik moslama yordamida bir kunda 407 ta qarzdorlar aniqlanib, 117 million 101 ming so‘m miqdoridagi qarzdorliklar undirildi.
24 ta avtotransport vositalari esajarima maydonchalariga joylashtirildi. Shundan byuroning Toshkent shahar boshqarmasitomonidan qidiruvda bo‘lgan ikkita avtotransport vositasi ham aniqlandi.
2019-yilning 30-yanvar kuni jami undirilgan jarimalar 571 million so‘mdan ortiqni tashkil etgan. Bu bilan 1 961 taqarzdorliklar o‘z vaqtida bartaraf etilgan.
Shundan, Byuroning Toshkent shahar boshqarmasi ish yurituvidagi 734 ta ijro hujjatlari bo‘yicha 242 million 465 ming so‘m undirilgan.
Olib borilgan targ‘ibot-tashviqot ishlari natijasida bir kunda 327 nafar qarzdor o‘z xoxishi bilan to‘g‘ridan-to‘g‘ri qarzdorliklarini to‘lagan. Buning natijasida esa 125 million 300 ming so‘mdan ortiq qarzdorliklar undirilgan. 407 ta ijro hujjatlari esa qo‘shma reyd paytida ijrosi ta’minlandi.
Yo‘l harakati qoidalarini buzish oqibatidan kelib chiqqan huquqbuzarliklar uchun o‘z vaqtida e’tiborsizlik oqibatida to‘lanmagan jarimalar endi shu tartibda majburiy uniriladi, aks holda avtotransport vositasi jarima maydonchasiga qo‘yilishiga olib keladi.
Mazkur qo‘shma reyd-tadbir Toshkent shahrining barcha tumanlar ko‘chalarida 10 kun davom etadi.
Izoh (0)