O‘zbekistonda janubiy Ural yurak jarrohligi “maktabi” ochiladi

Chelyabinskda O‘zbekiston Respublikasi Namangan viloyati Sog‘liqni saqlash boshqarmasi boshlig‘i, senator Solijon Mo‘minov va Chelyabinskdagi Rossiya Sog‘liqni saqlash vazirligining yurak-qon tomir jarrohlik markazining bosh shifokori Oleg Lukin bilan hamkorlik shartnomasi imzolandi, deya xabar beradi “Nuz.uz”.

Hujjatda asosiy e’tibor Janubiy Ural vrachlarining tajribasi va ilmiy yutuqlari asosida O‘zbekistonning yurak jarrohlik maktabini yaratishga qaratilgan.

Yaqin kunlarda chelyabinsklik shifokorlar O‘zbekiston klinikalariga ekspert sifatida tashrif buyuradi, Namangan viloyati sog‘liqni saqlash boshqarmasi esa Chelyabinskda, Sog‘liqni saqlash vazirligining Federal salomatlik va ijtimoiy menejment markazida malaka oshirish uchun nomzodlarni tayyorlaydi.