Germaniya hukumatining samolyoti Efiopiyada buzilib qoldi. Bu haqda Deutsche Welle xabar berdi.
Ta’kidlanishicha, nosozlik Airbus A340 samolyotining siqilgan havoni uzatish tizimida yuz bergan. Samolyot Germaniya federativ respublikasining birinchi prezidenti Teodor Xoys sharafiga nomlangan. Mutaxassislar muammoni bartaraf etishga urinmoqda.
Nosozlik sababli Germaniya prezidenti Frank Valter Shtaynmayer Efiopiyadan Berlinga uchib keta olmayapti va u bilan birga borgan 55 kishilik delegatsiya mehmonxonada qolishga majbur bo‘lmoqda.
Nashrning ta’kidlashicha, 2014-yilda Shtaynmayer Germaniyaning tashqi ishlar vaziri bo‘lgan vaqtda ham samolyotdagi nosozlik sababli Efiopiyada ushlanib qolgan.
Izoh (0)