Германия ҳукуматининг самолёти Эфиопияда бузилиб қолди. Бу ҳақда Deutsche Welle хабар берди.
Таъкидланишича, носозлик Airbus A340 самолётининг сиқилган ҳавони узатиш тизимида юз берган. Самолёт Германия федератив республикасининг биринчи президенти Теодор Хойс шарафига номланган. Мутахассислар муаммони бартараф этишга уринмоқда.
Носозлик сабабли Германия президенти Франк Вальтер Штайнмайер Эфиопиядан Берлинга учиб кета олмаяпти ва у билан бирга борган 55 кишилик делегация меҳмонхонада қолишга мажбур бўлмоқда.
Нашрнинг таъкидлашича, 2014 йилда Штайнмайер Германиянинг ташқи ишлар вазири бўлган вақтда ҳам самолётдаги носозлик сабабли Эфиопияда ушланиб қолган.
Изоҳ (0)