Nursulton Nazarboyev qozog‘istonlik vazirlarga mahalliy ishlab chiqarilgan kiyimlarga o‘tishni buyurdi

Nursulton Nazarboyev qozog‘istonlik vazirlarga chet el kostyumlari o‘rniga mahalliy ishlab chiqarilgan kostyumlar kiyishni buyurdi. Bu haqda “Nur.kz” xabar berdi.

Bizda hamma narsa chet eldan keltiriladi. Mayli, bashang kiyinishni yaxshi ko‘ruvchi modaparast erkak va ayollar bor. Ular ‘Shanel—manel’lar olaversin.

Oddiy xalqchi? Yoshlar yili ochilishi marosimida menga juda yaxshi kostyum va poyabzallar namoyish etishdi.

Shunchaki e’tibor bermayapmiz. Nega mahalliy sanoatni rivojlantirmayapmiz?

Bu yerda o‘tirganlarning barchasi o‘zimizda ishlab chiqarilgan kostyumlarda kelishi kerak. Buning hech qo‘rqinchli joyi yo‘q. Dunyoda barcha odamlar, ayniqsa davlat xizmatchilari uchun oddiy kiyimlar mavjud.

Qozog‘iston mahsulotini targ‘ib qilishimiz kerak.

Biz mahalliy yengil sanoatni ko‘tarishimiz kerak. Har xil joylarga boramiz, bozorlarda qidiramiz, o‘zimizning ichki bozordan esa foydalanmayapmiz.

Nursulton Nazarboyev, Qozog‘iston prezidenti