Tojikistonning Darvoz tumanida to‘qqiz kishining, jumladan besh nafar bolaning o‘limiga sabab bo‘lgan yo‘l-transport hodisasi tafsilotlari haqida “Asia-Plus” xabar berdi.
Halokat 29-yanvar kuni Dushanbe—Kallaixumb—Xorog avtoyo‘lida Darvoz tumani hududida sodir bo‘lgan.
“Opel-Astra” haydovchisi 50 yoshli Arabsho Qo‘qaniyev boshqaruvni yo‘qotishi oqibatida transport vositasi Panj daryosiga qulagan.
Haydovchi tan jarohatlari bilan tuman markaziy kasalxonasiga yotqizilgan.
Biroq transport vositasining qolgan yo‘lovchilari vafot etgan.
Ular orasida — 1978-yilda tug‘ilgan Xudododov Suhrob Mahmadnabiyevich, 1975-yilda tug‘ilgan Ma’zamova Bunafsha Bo‘ronovna, 1990-yilda tug‘ilgan Ma’zamova Mohina Bo‘ronovna, 2013-yilda tug‘ilgan Abdullazoda Alijoniy Orzu, 1982-yilda tug‘ilgan Jalolova Gulandom Saidrahmonovna, 2013-yilda tug‘ilgan Davlatzoda Abubakri Otambeg, 2013-yilda tug‘ilgan Davlatzoda Niginai Otambeg, 2016-yilda tug‘ilgan Davlatzoda Usmoni Otambeg hamda 2015-yilda tug‘ilgan Davlatzoda Umari Otambeg bor.Barcha halok bo‘lganlar Qurg‘ovod qishlog‘i aholisi sanaladi.Ayni damda YTH sabablari o‘rganilmoqda.
Izoh (0)