O‘zbekistonda propiska yo‘qligi ishga qabul qilishda to‘siq hisoblanmaydigan bo‘ldi

O‘zbekistonda propiska yo‘qligi ishga qabul qilishda to‘siq hisoblanmaydigan bo‘ldi. Bu haqda Bandlik va mehnat munosabatlari vazirligi ma’lum qildi.

Mehnat kodeksining yangilangan 80-moddasiga muvofiq, endilikda vaqtinchalik yoki doimiy propiska yohud yashash joyi bo‘yicha hisobning yo‘qligi ishga qabul qilishda rad etish uchun asos bo‘lmaydi.

Ma’muriy javobgarlik to‘g‘risidagi kodeksdan ham vaqtinchalik yoki doimiy propiskasi yo‘q yoxud yashash joyi bo‘yicha hisobda turmagan shaxsni ishga qabul qilganlik uchun eng kam ish haqining 10 dan 15 barobarigacha miqdorda jarimaga tortishni ko‘zda tutuvchi 223−2-modda chiqarib tashlandi.

Mazkur o‘zgartirishlar 2019-yil 10-yanvardan kuchga kirdi.