Namangan viloyatining Yangiqo‘rg‘on tuman ichki ishlar bo‘limi xodimlari tomonidan hududdagi maxsus bog‘cha tarbiyalanuvchilari yo‘qlandi. Bu haqda “Daryo”ga tuman hokimligi axborot xizmati ma’lum qildi.
20-sonli MTMda 140 nafar bola tarbiyalanmoqda. Ularning har biriga sovg‘alar va shirinliklar ulashildi. Bog‘cha xonalariga gilamlar to‘shaldi. Qo‘y so‘yilib, mazali taomlar tayyorlandi.
— IIB xodimlari o‘z sektorlarida joylashgan bizning bog‘chani tez-tez yo‘qlab turadi. Bayramlar, turli tadbirlarimiz doimo ularning ishtiroki, ko‘magida o‘tadi. Buning uchun bolalar nomidan minnatdorlik bildiramiz, — deydi MTM mudirasi Nasiba Mamadaliyeva.
Izoh (0)