Ўзбекистонда прописка йўқлиги ишга қабул қилишда тўсиқ ҳисобланмайдиган бўлди

Ўзбекистонда прописка йўқлиги ишга қабул қилишда тўсиқ ҳисобланмайдиган бўлди. Бу ҳақда Бандлик ва меҳнат муносабатлари вазирлиги маълум қилди.

Меҳнат кодексининг янгиланган 80-моддасига мувофиқ, эндиликда вақтинчалик ёки доимий прописка ёҳуд яшаш жойи бўйича ҳисобнинг йўқлиги ишга қабул қилишда рад этиш учун асос бўлмайди.

Маъмурий жавобгарлик тўғрисидаги кодексдан ҳам вақтинчалик ёки доимий пропискаси йўқ ёхуд яшаш жойи бўйича ҳисобда турмаган шахсни ишга қабул қилганлик учун энг кам иш ҳақининг 10 дан 15 баробаригача миқдорда жаримага тортишни кўзда тутувчи 223−2-модда чиқариб ташланди.

Мазкур ўзгартиришлар 2019 йил 10 январдан кучга кирди.