АҚШ сенати Сурияга ёрдам бериш учун янги санкциялар ҳақидаги қонун лойиҳасига овоз беришни блоклади, унинг яқин иттифоқчилари - Россия ва Эронга чекловлар қўйди. Бу ҳақда Bloomberg хабар бермоқда.
Овоз бериш 8 январга белгиланган. Демократлар бундан олдинроқ шатдаунни (фаолиятни вақтинча тўхтатиш) бекор қилиш билан боғлиқ бўлмаган ҳужжатларни кўриб чиқиш ниятида эмаслигини айтганди.
Тасдиқланган бюджетнинг йўқлиги сабаб, АҚШда бир неча федерал агентликлар икки ҳафтадан бери қониқарли равишда ишламаяпти.
Натижада, санкциялар бўйича қонун лойиҳасини кўриб чиқиш учун камида 60 нафар депутат қатнашиши керак бўлган учрашувга 56 нафар депутат келган.
Ҳужжатда Сурия ҳукуматига кўмаклашиш ва нефть маҳсулотлари ёки самолёт қисмлари савдоси учун санкцияларни жорий қилиш кўзда тутилган.
Бундан ташқари, Россия, Сурия ва Эрон тинч аҳолига қарши ҳаво ҳужумларини бошлаш ва инсонпарварлик ёрдамини етказишга тўсқинлик қилишда айбланмоқда.
АҚШ президенти Дональд Трамп халққа мурожаат қилди ва мамлакатнинг жанубий чегарасидаги мигрантлар билан бўлаётган ҳолатни хавфсизликка таҳдид деб атади.
Лекин у фавқулотда ҳолат эълон қилмаган.
Декабрда Трамп мигрантларга қарши девор қуриш учун маблағ ажратилмаса, АҚШ жанубий чегарани бутунлай ёпиб қўйишини айтган эди.
Лойиҳани молиялаштиришга демократлар халақит беряпти, дейди президент.
Изоҳ (0)