National Geographic xabar berishicha, yovvoyi tabiatni suratga olishni xush ko‘ruvchi shotlandiyalik operator Gordon Byukenen BBC Earth telekanalidagi hamkasblari bilan Norvegiyaning shimoliy nuqtasida oq ayiqlar haqida sujet suratga olayotganida ayiq hujum qilgan.
Jarayonning xavfsizligi uchun muzlar orasiga odam istalgan vaqtda kirib olishi mumkin bo‘lgan shaffof konteyner o‘rnatildi. Huddi shunday bo‘ldi: oq ayiq yaqinlashayotganini sezgan operator konteynerga berkinib oldi. Biroq och hayvon o‘lja hidini sezib, konteynerga hujum qilishga o‘tdi.
45 daqiqa davomida oq ayiq eshikni buzishga urundi, konteynerni siltadi va uning ustiga yotib oldi. “Suratga olish maydoni” sinovga dosh bera oldi: istaganini qo‘lga kirita olmagan yirtqich voqea joyini tark etdi. Ammo Byukenenning sarguzashtlari shu bilan tugamadi: hujum aks etgan video tarqalib ketganidan so‘ng, Shpisbergen vitse-gubernatori telekanal rahbariyatiga mahalliy ekologiya qonunlarini buzganligini tanqid qilib, maktub yo‘lladi. Yovvoyi tabiatga bostirib kirish 50 000 norvegiya kroniga (6 000 britaniya funti) baholandi.
Jarima talab qilayotgan ma’muriyatning fikricha, hayvonlarga bu qadar yaqin kelib suratga olish ularning tinchligini buzib, stress holatiga keltiradi. Ammo undan ham yomoni bu xavfli vaziyatni yuzaga keltirishdir: agar ayiq konteynerni yorib o‘tganida Byukenenning sheriklari unga o‘q uzishga majbur bo‘lardi.
Izoh (0)