Suriya havo hujumiga qarshi mudofaa tizimi Isroilning Damashq g‘arbiy hududlariga raketa hujumini amalga oshirganini aniqladi, deb xabar berdi “Korrespondent.net”.
Qayd etilicha, raketalarning aksariyati urib tushirilgan.
“Suriya havo hujumi mudofaasi Isroil harbiy havo kuchlari samolyotlari tomonidan uchirilgan raketalar hujumini aniqladi va ularning aksariyat qismini urib tushirdi”, — deydi Suriya harbiylaridan biri.
Raketa hujumi oqibatida uch nafar suriyalik harbiy jabrlangan, harbiy aslahalar saqlanadigan omborga zarar yetgan.
Xabarda hujumdan zarar ko‘rgan aholi yashash punktlari haqida ma’lumot berilmagan.
Qayd etilishicha, hujum 25-dekabr, seshanba kuni soat 22:00 da boshlangan va 1,5 soatdan ko‘proq davom etgan.
Izoh (0)