Joriy yilning 15-dekabr kuni O‘zbekiston davlat konservatoriyasida Madaniyat vazirligi tomonidan ilk bora O‘zbekiston Respublikasi Prezidentining “Avtoklub” sovg‘alarini tantanali ravishda topshirish marosimi bo‘lib o‘tadi. Bu haqda vazirlik xabar berdi.
“Avtoklub” avtobuslari Andijon va Navoiy viloyatlariga topshiriladi, bundan asosiy maqsad respublikaning chekka hududlarida istiqomat qilayotgan xalq uchun madaniy hordiq tashkil etish va ularning madaniy saviyasini yanada oshirish.
Mustaqillik yillarida ilk marotaba tashkil etilayotgan “Avtoklub”lar uzoq qishloqlarda yashovchi xalqqa madaniy tadbirlarni tez-tez namoyish etadi. Bu “Avtoklub”lar ilk qaldirg‘ochlar va bunday avtobuslar boshqa viloyatlarda ham joriy etilishi ko‘zda tutilgan. Uning tantanali topshirilish marosimi joriy yilning 15-dekabr kuni soat 9:30 da O‘zbekiston davlat konservatoriyasida o‘tkaziladi.
Izoh (0)