Жорий йилнинг 15 декабрь куни Ўзбекистон давлат консерваториясида Маданият вазирлиги томонидан илк бора Ўзбекистон Республикаси Президентининг «Автоклуб» совғаларини тантанали равишда топшириш маросими бўлиб ўтади. Бу ҳақда вазирлик хабар берди.
«Автоклуб» автобуслари Андижон ва Навоий вилоятларига топширилади, бундан асосий мақсад республиканинг чекка ҳудудларида истиқомат қилаётган халқ учун маданий ҳордиқ ташкил этиш ва уларнинг маданий савиясини янада ошириш.
Мустақиллик йилларида илк маротаба ташкил этилаётган «Автоклуб»лар узоқ қишлоқларда яшовчи халққа маданий тадбирларни тез-тез намойиш этади. Бу «Автоклуб»лар илк қалдирғочлар ва бундай автобуслар бошқа вилоятларда ҳам жорий этилиши кўзда тутилган. Унинг тантанали топширилиш маросими жорий йилнинг 15 декабрь куни соат 9:30 да Ўзбекистон давлат консерваториясида ўтказилади.
Изоҳ (0)