Shavkat Mirziyoyev Qarshi shahridagi yangi suv sporti majmuasi bilan tanishdi. Bu haqda Prezident matbuot xizmati xabar bermoqda.
“Vatanparvarlar” bog‘i yonida qad rostlagan ushbu inshoot o‘ziga xos memoriy yechimga ega. Tashqi ko‘rinishi parvoz qilayotgan qushni eslatadi. Uning bir qanotida o‘g‘il bolalar, ikkinchi qanotida qizlar uchun alohida suzish havzalari bunyod etilgan. Bu yerdagi zamonaviy sharoitlar ota-onalarning, yoshlarning suv sportiga qiziqishini oshiradi.
Yuvinish, ovqatlanish, tibbiyot va fitnes xonalarida barcha qulayliklar yaratilgan.
Prezident bu yerda shug‘ullanayotgan sportchi va murabbiylar bilan suhbatlashib, ularga kelgusi musobaqalarda muvaffaqiyat tiladi.
Izoh (0)