Armanistonda rossiyalik harbiy qotillikda gumonlanib qo‘lga olindi

Armanistonning Gyumri shahrida Rossiya harbiy bazasi harbiy xizmatchisi qo‘lga olindi. Bu haqda “Meduza” xabar berdi.

U mahalliy ayolning o‘limida ayblanmoqda. Hozircha boshqa tafsilotlar ma’lum emas.

Avvalroq mahalliy OAV 3-dekabr kuni Gyumrida kaltaklanish oqibatida 57 yoshli ayolning vafot etganligini xabar bergandi. Uning o‘limi yuzasidan jinoiy ish qo‘zg‘atilgan.

Gyumrida Rossiyaning 102-harbiy bazasi joylashgan.

Ma’lumot uchun:

2015-yilning yanvarida rossiyalik harbiy xizmatchi Valeriy Permyakov Gyumridagi uylardan birida bir oilaning yetti nafar a’zosini o‘ldirgan. Unga umrbod qamoq jazosi tayinlangan.

2017-yilning aprelida Gyumrida rossiyalik harbiy Dmitriy Yalpayev o‘ldirilgan bo‘lib, uning o‘limida ayblangan Stepanavana Arman Janjugazyan 22 yil qamoq jazosiga hukm qilingan edi.