Amerikalik meteorologlar 10-dekabr kuni noodatiy “osmon tomchisi“ni qayd etdi, ushbu jism o‘z o‘lchamlarini kattalashtirib, tezlik bilan o‘sgan. Issiqlik buluti Indiana, Illinoys, Kentukki shtatlari ustida yoyilgan. Anomal hududning maksimal uzunligi 80 kilometrga, balandlikning yuqori chegarasi esa uch kilometrga yetgan. Bu haqda Hi-Tech Mail.Ru xabar berdi.
Hukumat vakillari tomonidan hech qanday rasmiy tushuntirish berilmagan. Meteorolog Ueyn Xartning fikriga ko‘ra, AQSh harbiy-havo kuchlarining harbiy-transport samolyoti tasodifan yoki ataylab issiqlik qopqonini tashlaganda, “bulut” hosil bo‘lgan bo‘lishi mumkin. Bu katta miqdorda issiqlik chiqarib, atmosferada yonib ketadigan kichik sig‘imli yoqilg‘i idishlari hisoblanadi. Shu tarzda samolyotlar o‘zi boshqariladigan infraqizil kallakli raketalarni o‘z yo‘lidan chalg‘itishi mumkin.
Ko‘plab mutaxassislar bu fikrga ishonchsizlik bilan qaradi, chunki samolyotlardan hech qaysisi tomonidan bunday qopqon qo‘llanilgani haqida ogohlantirish bo‘lmagan. Noodatiy issiqlik dog‘ining paydo bo‘lishiga qandaydir yangi moddaning harbiy sinovi sabab bo‘lgan bo‘lishi mumkin. Biroq Pentagon hozircha bu masalada sukut saqlamoqda.
Izoh (0)