Britaniyalik fotograf ideal selfi sirini ochdi

Mashhur shaxslar portretlarini yaratishga ixtisoslashgan britaniyalik fotograf Jon Godin har bir yuz shakli uchun ideal rakurs saraladi, deb yozadi “Korrespondent.net”.

“Kvadrat” shaklli yuz sohiblariga kameraga yuzlarining eng ko‘rkam qismi bilan qarab, jilmayish tavsiya etiladi. Tabassum yonoqlarni ko‘taradi va yuzni yumaloq qiladi.

Yurak shaklidagi yuz sohiblariga (keng peshona va uzun iyak) esa tabasum qilib, boshni biroz tepaga ko‘tarish tavsiya etiladi: Ushbu holat yonoqlarga urg‘u beradi.

Uzunchoq yuzlilar esa boshini orqaga biroz tashlab, kameraga yarim qayrilgan holda selfiga tushsa, yaxshi natijaga erishadi. Bu pozitsiya peshonani kichraytirib, jag‘ sohasiga urg‘u beradi.

Yumaloq yuz sohiblariga esa fotograf aksincha boshni biroz pastga egishni tavsiya qildi. Bunday holat yuzni ozg‘inlashtiradi.

Bundan tashqari, yumaloq yuzlilar tabassum qilayotganida og‘zini biroz ochishi kerak, shunda yuz “cho‘ziladi”.