Italiyada noqulay ob-havo oqibatida bir kunda to‘rt kishi halok bo‘ldi. Qurbonlarning umumiy soni 17 kishini tashkil qilmoqda. Bu haqda “Korrespondent.net” xabar berdi.
Xususan, Valle-d’Aosta viloyatida daraxtning avtomobil ustiga yiqilishi oqibatida ikki kishi halok bo‘lgan. Shunga o‘xshash holat Trentino-Alto-Adije viloyatida bir nafar erkak bilan yuz bergan. Shu viloyatda 81 yoshli erkak o‘z uyining tomidan yiqilishi oqibatida vafot etgan.
Xabar berilishicha, eng yomon ob-havo Veneto viloyatida kuzatilmoqda. U yerda xavflilikning “qizil” darajasi e’lon qilingan. Bir kun avval viloyat rahbari kuchli yomg‘irlar va shamollar oqibatiga viloyatga yetgan zararni bir milliard yevroga baholagan.
Venetsiyada suvning darajasi ko‘tarilishi kutilmoqda, u 110 santimetrga yetishi mumkin.
Izoh (0)