Британиялик фотограф идеал селфи сирини очди

Машҳур шахслар портретларини яратишга ихтисослашган британиялик фотограф Жон Годин ҳар бир юз шакли учун идеал ракурс саралади, деб ёзади «Корреспондент.net».

«Квадрат» шаклли юз соҳибларига камерага юзларининг энг кўркам қисми билан қараб, жилмайиш тавсия этилади. Табассум ёноқларни кўтаради ва юзни юмалоқ қилади.

Юрак шаклидаги юз соҳибларига (кенг пешона ва узун ияк) эса табасум қилиб, бошни бироз тепага кўтариш тавсия этилади: Ушбу ҳолат ёноқларга урғу беради.

Узунчоқ юзлилар эса бошини орқага бироз ташлаб, камерага ярим қайрилган ҳолда селфига тушса, яхши натижага эришади. Бу позиция пешонани кичрайтириб, жағ соҳасига урғу беради.

Юмалоқ юз соҳибларига эса фотограф аксинча бошни бироз пастга эгишни тавсия қилди. Бундай ҳолат юзни озғинлаштиради.

Бундан ташқари, юмалоқ юзлилар табассум қилаётганида оғзини бироз очиши керак, шунда юз «чўзилади».