Rossiya prezidenti Vladimir Putin mamlakatga qarshi yadro qurolini qo‘llovchilar haqida gapirib, voqealar bunday rivoj olsa, “biz shahid sifatida jannatga tushamiz, ular esa shunchaki tamom bo‘ladi”, — dedi. Bu haqda “RIA Novosti” xabar berdi.
“Valday” muhokama klubining yig‘ilishida prezidentning ta’kidlashicha, Rossiyaning yadro qurolini qo‘llash bo‘yicha konsepsiyasida ogohlantirish zarbasi yo‘q va bunday qurollar faqat javob zarbasi holatida qo‘llanilishi mumkin.
“Tajovuzkor javob zarbasidan qochib qutula olmasligini bilishi kerak. Biz esa, tajovuz qurbonlari, shahidlar sifatida jannatga tushamiz, ular esa shunchaki tamom bo‘ladi, chunki pushaymon bo‘lishga ham ulgurmaydi”, — deb ma’lum qildi Putin.
Izoh (0)