Abituriyent DTM xatosini isbotladi va budjetda o‘qiydigan bo‘ldi. Bu bir tomondan abituriyentlarga o‘ziga nisbatan ishonch bersa, boshqa tomondan DTMda ham ijobiy siljish borligini ko‘rsatdi.
2017—2018-yillarda abituriyent hozirda davlat granti asosida Toshkent tibbiyot akademiyasi talabasi. 10 oy davomida tayyorgarlik ko‘rib, chuqur bilim va ko‘nikmalarga ega bo‘lgan Saidazim Siddiqjonov imtihondan chiqqan zahoti bir savolning noto‘g‘ri tuzilganligini taxmin qiladi va darhol “Profi Education”da ta’lim bergan ustozi Nodirjon Hoshimovga qo‘ng‘iroq qilib, savolning yechilish usulini u o‘rgatgan usulda chiqara olmaganligini aytadi.
Avvaliga ustoz Nodirjon Hoshimov bunga e’tibor bermaydi, chunki har xil holat bo‘lishi mumkin, balki hayajondan o‘quvchi masalaning shartini aniq yodlab ololmagandir yoki biror bir element qolib ketgan bo‘lishi mumkin. Lekin o‘z shashtidan qaytmagan Saidazim o‘zi ishonch hosil qilish uchun, ustozi bergan bilimlarni oqlash uchun DTMga appelatsiyaga berdi. Appelatsiya jarayonida ko‘pchilik “Ha, shartnoma asosida bo‘lsa ham kirib olibsanku, shukur qilmaysanmi?”, “Eee, qaniydi biz ham hech bo‘lmasa shartnomaga ilinsak, bu yerlarga kelmas edik”, degan fikrlarni bildirdi, lekin u so‘zidan qaytmadi.
Appelatsiya jarayonida Saidazim yana o‘sha savol bilan yuzlashdi, savol yechilish usulini yoddan biladi, lekin to‘g‘ri javob yo‘q. Shu savol bilan DTM ning kimyo bo‘yicha eksperti oldiga boradi va savolga javob topib berishni so‘raydi. Ekspert javob chiqargandek bo‘ladi. Saidazim appelatsiya jarayonidan chiqib ustozi Nodirjon Hoshimovga qo‘ng‘iroq qilib: “Ustoz, siz aytgan usul sal boshqacharoq ekan, bu masala mana bunaqa usulda chiqar ekan”, deydi.
Lekin ustoz masala noto‘g‘ri ekanligini va ekspertning xulosasi yanglish ekanligini tushunib yetadi va darhol shogirdiga qayta appelatsiyaga berish kerakligini aytadi. Shogird qayta appelatsiyaga berdi va mustaqil ekspert sifatida ustozi Nodirjon Hoshimovni appelatsiya jarayoniga qo‘yishlarini so‘radi. Qayta apellyatsiya jarayonida DTM xodimlari haqiqatdan ham o‘quvchining xulosalari to‘g‘ri ekanligi, savolda to‘g‘ri javob yo‘qligini tan oladi va o‘zlari yuborgan xulosada buni qayd etadi.
Endi Siddiqjonov Saidazim 6 yil davomida shartnoma asosida emas, balki davlat granti asosida tahsil oladi. Chunki dastlabki test natijalariga ko‘ra Saidazimga davlat grantiga o‘tish uchun atigi 0.9 bal yetmayotgan edi, endi unda 2.1 bal qo‘shib beriladi.
Izoh (0)