Toshkent shahar Ichki ishlar bosh boshqarmasi poytaxt ko‘chalaridan birida to‘y kortejini jarimaga tortdi. Bu haqda IIBB xabarida aytiladi.
“25-sentabr kuni taxminan 15:00 da Yakkasaroy tumani Shota Rustaveli ko‘chasida YPX inspektori tomonidan kortej tarkibida harakatlanayotgan va yo‘lda avariyali vaziyatni yuzaga keltirayotgan Mercedes-Benz rusumidagi uchta avtomobil to‘xtatildi”, — deyiladi xabarda.
Haydovchilarga nisbatan O‘zbekiston Respublikasi Ma’muriy kodeksining 129-moddasi (“Transport vositalari haydovchilarining yo‘l harakati xavfsizligiga tahdid soluvchi guruh bo‘lib harakat qilishda qatnashishi”)ga muvofiq, choralar ko‘rildi.
“Shunga aniqlik kiritmoqchimizki, YPX inspektorlari kortejda kelin-kuyov bo‘lgan holatda qoidabuzarlikni faqat qayd etib qo‘yadi, qoidabuzarlik haqida bayonnoma tuzish uchun esa haydovchilarni ertasi kuni chaqiradi”, — deya ta’kidlanadi xabarda.
Izoh (0)