Ziyorat turizmini targ‘ib etuvchi indeoneziyalik serfarzand oilaning “O‘zbekiston – mehmondo‘st davlat” nomli yuz ming nusxada nashr etilgan kitobi Indoneziyada mashhur bo‘lib ketdi, deb yozadi “Turon24”. Kitob Xalilintar familiyali oilaning a’zolari tomonidan yozilgan, ya’ni bir necha muallif qalamiga mansub.
Samarqand shahriga 2014-yilda sayohat qilib, o‘zbek xalqining madaniyati haqida katta taassurotga ega bo‘lgan oila kitob chiqarishga qaror qilgan. Kitobning o‘zbek tilidagi nusxasi Samarqand shahrida nashr etilishi rejalangan.
Oilani “King of YouTube” (“YouTube qiroli”) deb atashadi. Bu ularning YouTube’dagi sahifasi 15 milliondan ortiq obunachiga egaligi bilan izohlanadi. Oila vakillari tomonidan O‘zbekiston haqida suratga olingan rolikni YouTube’da hozirga qadar 150 mingdan ortiq kishi tomosha qilgan.
Xalilintar oilasi Samarqand shahrida sayyohlikni rivojlantirish uchun sarmoya kiritishni rejalamoqda.
Izoh (0)